Erasmus Mundus Joint Master’s Scholarship – Europe
Guudmar:
Erasmus Mundus waa barnaamij Midowga Yurub ay maalgeliso, kaas oo siiya ardayda caalamiga ah fursad ay ku bartaan Master’s degree hal barnaamij oo Yurub ah, balse lagu dhigo ugu yaraan laba ama saddex jaamacadood oo dalal kala duwan ah. Waa mid ka mid ah deeqaha ugu qiimaha badan ee Yurub bixiso, waxaana lagu bartaa culuum kala duwan sida IT, injineernimada, siyaasadda, caafimaadka bulshada, iyo xitaa fanka.
.png)
Faa’iidooyinka:
Barnaamijkan waa fully funded — wuxuu daboolayaa dhammaan kharashyada waxbarashada, hoyga, safarka, iyo caymiska. Arday kasta wuxuu helaa mushahar bil kasta oo nolol iyo safar ah inta lagu jiro barashada. Waxaa sidoo kale la siiyaa deeq lagu iibsado buugaag iyo qalab waxbarasho. Inta lagu jiro barashada, ardaygu wuxuu ku baranayaa ugu yaraan laba dal oo Yurub ah, taas oo siinaysa khibrad dhaqan iyo aqoon caalami ah.
Shuruudaha Codsiga:
-
Waa inuu haystaa Bachelor degree ama u dhiganta.
-
Waa inuu leeyahay aqoon luuqadda barnaamijka lagu dhigo (inta badan English).
-
Waa inuu soo gudbiyo warqado tixraac, statement of purpose, iyo CV.
-
Qof walba dal kasta waa codsan karaa, sababtoo ah Erasmus waa open to all nationalities.
Waxbarashada iyo Fursadaha:
Erasmus Mundus waxay bixisaa boqolaal barnaamijyo Masters ah oo isku dhafan (joint master programmes). Qaar waxaa diiradda lagu saaraa tiknoolajiyada, qaarna caafimaadka ama siyaasadda. Ardaygu wuxuu baranayaa dalal kala duwan, isagoo helaya laba shahaado (double degree).
Maxay uga dhigantahay ardayda?
Marka aad ka mid noqoto Erasmus Scholar, waxaad ku dhex jirtaa bulshada ugu firfircoon ee ardayda caalamka. Waxaad baranaysaa Yurub, waxaadna dhisaysaa xirfado iyo xiriir shaqo oo ballaaran. Waxaa la sheegaa in in ka badan 95% ardayda Erasmus ay shaqo helaan ama sii wataan PhD markii ay dhammaystaan.
Gunaanad:
Erasmus Mundus waa fursad nolosha beddesha. Waa isku darka aqoon, dhaqammo, iyo safarro waxbarasho oo ka dhigaya qofka scholar caalami ah.
Link rasmi ah:
www.europa.eu/erasmus-plus